Jeremiah 30
Israel Angei Bang Kik
1Hih in Jeremiah tunga tung TOPA thu ahi hi: 2“Hih in TOPA Israel Pasian thugen ahi hi. ‘Nang tungah kong gensa khempeuh laibu khatin gelh in. 3TOPA in kong cih inah: Ka mi Israel le Judah, a saltanna ▼▼30.3 Ahikeh ka mi Israel le Judah a mailam hun uh angei a bang kik ding hi.
panun ka lakhia kik dinga a pute uh neih dinga ka piaksa gamah ka tut kik hun a tung ding hi,’ TOPA in ci hi,” a ci hi. b 4 Israel le Judah tawh kisai TOPA thugen hih ahi hi: 5“Hih in TOPA gen ahi hi: “‘Launa awte kiza a - patauhna hi-in,lungnopna ahi kei hi.
6 Dong unla mu un:
Pasal in ta suak thei ahi hiam?
Tua ahileh bang hangin mi thahat peuhmah in
numei nausuak ding bangin a gilpi uh huma, c
a maitang khempeuh uh daang diakduak ahi hiam? d
7 Tua ni lauhuai lua si inteh!
Tehpih ding a om kei hi.
Jacob lungkham hun hi dinga, e
ahi hangin amah kihon ding hi. f
8 “Thahatpen TOPA in cikhia hi,
‘Tua ni ciangin amaute ngawnga hakkol ka kuaitan dinga g
a kihennate uh ka bottat ding hi;
gamdang mite in amaute sila-in a khawi nawn kei ding uh hi. h
9 Tua tangin amaute Pasian TOPA le
amaute adingin ka laptoh
a kumpipa uh David na a sem ding uh hi.
10 “‘Tua ahi ciangin ka nasempa Jacob aw, lau kei in; i
Israel aw, lungsi kei in’
TOPA in cikhia hi.
‘A gamla panin nang kong honkhia dinga j
nangma suante a saltanna panun ka honkhia taktak ding hi.
Jacob lungnuamin lungmuang kik dinga, k
kuamah in a lauthawngsak kei ding hi.
11 Nang kong ompih hi, kong hon ding hi,’
TOPA in cikhia hi.
Amaute lakah kong thehthangna
minamte ka suksiatmang hangin
nang kong susiamang kei ding hi. l
Thutang bekbek tawh nang kong sek dinga; m
dan pia loin lah kong mawk koih kei ding hi. n
12 “TOPA gen hih ahi hi: “‘Na liamma uh kidamsak thei lo a,
na liamna uh nasia lua hi.
13 Na thu uh hong panpih ding khatbeek om lo a,
na meima dam nading om loin -
na dam nading a om kei hi. o
14 Na kipawlpihte in hong mangngilh khin uh a; p
nang hong don nawn peuhmah kei uh hi.
Na mawhna tam lua-in na khialhna lian lua ahi manin, q
galte sat ding bangin kong sat-a r
migilote dan tuahsak bangin
kong tuaksak hi. s
15 Bang hangin a kidamsak thei lo
na liamma na sa-in kap na hi hiam?
Na mawhna tampi le na khialhna liante hangin
nang tungah hihte kong tungsak hi. t
16 “‘Ahi hangin no hong valhte ka valh dinga, u
na galte khempeuh salin kikai ding hi. v
No galmat-a hong nei khempeuh galmatin kinei dinga; w
no hong siasakte khempeuh kei mah’n ka susia ding hi.
17 Ahi zongin note, ‘Mi kipampaih, x
kuama donloh Zion hong kicih hangin, y
na ci uh kong damsak kik dinga,
na liammate uh ka damsak ding hi,’
TOPA in cikhia hi.
18 “TOPA gen hih ahi hi: “‘Jacob puanbuk angei ka bangsak dinga, z
a tenna ka khuatuah ding hi; aa
a kisiatna mun mah ah khuapi kilam kik dinga, ab
kumpi inn, ama mun mah ah a ding kik ding hi.
19 Tuate sung panin lungdamkohna late kisa dinga, ac
lungnopna aw a ging ding hi;
amaute ka pungsak dinga
ka kiamsak kei ding hi;
amaute ka kipahtawisak dinga, ad
a kineu-et kei ding hi.
20 Tanglai-ate bangin a tate un ae
a kipawlkhatna uh keima mai-ah kipsak ding uh a;
amaute a nengniam khempeuh dan ka tuaksak ding hi. af
21 A makaipa uh amau sung pan hi dinga ag
a gam-ukpa ding uh amau sung pan a khang ding hi. ah
Amah ka kiangah ka zol dinga, ka kiang tektek ah hong nai ding hi;
ahang in, kua in ama thu-in hong ki-apin
ka kiang hong neh ngam ding ahi hiam?’
TOPA in cikhia hi.
22 “‘Tua ciangin note ka mite na hi ding uh a,
keimah note’ Pasian ka hi ding hi,’ ci hi,” a ci hi.
23 En in, TOPA huihpi
thangpaisa-in hong kinuaikhia dinga,
migilote lutungah
a kivingvei ding hi.
24 TOPA in a lungsima a tupna
a kim dipdep matengin
a hehluatna a kileh kik kei ding hi.
Hong tung lai ding hunte ah
hih thu na theitel ding uh hi.
Copyright information for
ZomZIV